საქართველოს ეროვნული უშიშროების საბჭოს აპარატი საქართველოს ეროვნული უშიშროების საკითხებზე საჯარო შეხვედრებს განაგრძობს. 5 აპრილს დისკუსია იაკობ გოგებაშვილის სახელობის თელავის სახელმწიფო უნივერსიტეტში გაიმართა.
შეხვედრაზე საუბარი ეროვნული უშიშროების საკითხებზე ერთიანი მიდგომის აუცილებლობას, მისი რეალიზების საშუალებებს, მიზნებს, ამ პროცესებში მოქალაქეთა მონაწილეობას და სხვა მნიშვნელოვან საკითხებს შეეხო.
საქართველოს ეროვნული საბჭოს აპარატი თავდაცვის და უსაფრთხოების საკითხებზე დისკუსიებს საზოგადოებასთან მთელი ქვეყნის მასშტაბით მართავს.
თელავის სახელმწიფო უნივერსიტეტში შეხვედრას თესაუ-ს რექტორი, პროფესორ-მასწავლებლები, სტუდენტები, არასამთავრობო და მედია ორგანიზაციების წარმომადგენლები დაესწრნენ.
