იაკობ გოგებაშვილის სახელობის თელავის სახელმწიფო უნივერსიტეტში სწავლის მსურველთა რაოდენობის ზრდის ტენდენცია ნარჩუნდება. მიმდინარე წელს თესაუ-ში 3 456 აბიტურიენტი დარეგისტრირდა.
გასულ წელს თელავის უნივერსიტეტში სწავლის სურვილი 3 370-მა ახალგაზრდამ გამოთქვა.
აღსანიშნავია, რომ მიმდინარე წელს თესაუ-ს ორი ახალი, სამართალმცოდნეობის და ეკონომიკის, საბაკალავრო საგანმანათლებლო პროგრამა შეემატა.
თელავის უნივერსიტეტში სახელმწიფოს მიერ სრულად დაფინანსებული პრიორიტეტული საგანმანათლებლო პროგრამებიც ფუნქციონირებს: ისტორია, ქართული ენა და ლიტერატურა, ბიოლოგია, დაწყებითი განათლება და სასურსათო ტექნოლოგია.
