22 დეკემბერს იაკობ გოგებაშვილის სახელობის თელავის სახელმწიფო უნივერსიტეტში ,,კავკასიური სახლის“ და ,,მწერალთა სახლის“ წარმომადგენლები თესაუ-ს რექტორს შეხვდნენ.
,,მწერალთა სახლსა“ და თელავის უნივერსიტეტს შორის ურთიერთთანამშრომლობის მემორანდუმი გაფორმდა, ,,კავკასიურ სახლთან“ კი სამომავლო ურთიერთობის გეგმები დაისახა. მხარეებმა ერთმანეთს წიგნები და სამახსოვრო საჩუქრები გადასცეს. 
შეხვედრაზე საუბარი ერთობლივ პროექტებს და იმ ღონისძიებებს შეეხო, რომლებიც აღნიშნული თანამშრომლობის ფარგლებში, თელავის უნივერსიტეტში გაიმართება.
2016 სასწავლო წლიდან თელავის უნივერსიტეტში სხვადასხვა კონკურსებთან და ღონისძიებებთან ერთად, იგეგმება საჯარო ლექციების ჩატარება, რომლებსაც ლიტერატურის, კულტურულ-საგანმანათლებლო, კონფლიქტების, საერთაშორისო ურთიერთობების და კავკასიური კვლევების მიმართულებით მაღალკვალიფიციური სპეციალისტები წაიკითხავენ. ლექციებზე დასწრება, თესაუ-ს სტუდენტებთან და პროფესორ-მასწავლებლებთან ერთად, აღნიშნული თემატიკით დაინტერესებულ ნებისმიერ პირს შეეძლება.