საქართველოს მწერალთა სახლი აგრძელებს პროექტს -,,საუბრები ლიტერატურაზე თელავის უნივერსიტეტში". აღნიშნული პროექტის ფარგლებში, 1 დეკემბერს იაკობ გოგებაშვილის სახელობის თელავის სახელმწიფო უნივერსიტეტში საჯარო ლექცია ბელა ხაბეიშვილმა გამართა. ლექციის თემა იყო ფრანგული და ქართული სიმბოლისტური პოეზიის პარადიგმები.
საქართველოს მწერალთა სახლი, იაკობ გოგებაშვილის სახელობის თელავის სახელმწიფო უნივერსიტეტთან ერთად, ურთიერთთანამშრომლობის მემორანდუმის ფარგლებში, ახორციელებს პროექტს- „საუბრები ლიტერატურაზე რეგიონებში“.
პროექტის მიზანია ლიტერატურულ-საგანმანათლებლო პროცესების მხარდაჭერა და ცენტრისა და რეგიონის კულტურულ-საგანმანათლებლო ინსტიტუტების თანამშრომლობა.
ფრანგული ლიტერატურის შესახებ ლექციების პროექტის ფინანსური მხარდამჭერია ფრანგული ინსტიტუტი.
