12 ოქტომბერს   ,,მიგრაციის საერთაშორისო  ორგანიზაციამ“ (IOM)  იაკობ გოგებაშვილის სახელობის თელავის სახელმწიფო უნივერსიტეტში  საინფორმაციო შეხვედრა გამართა.

   ორგანიზაციის წარმომადგენლებმა  უკანონო მიგრაციის შესახებ ისუბრეს და სტუდენტებს ინფორმაცია   IOM-ის მიერ დაგეგმილ კონკურსთან დაკავშირებით მიაწოდეს.

    კონკურსში მონაწილეობის მიღების მსურველებმა უნდა მოამზადონ  თემა-,,უკანონო მიგრაცია საქართველოდან ევროკავშირის წევრ ქვეყნებში: მიზეზები და შედეგები“.

   ნამუშევრებს  სპეციალურად მოწვეული  ჟიური გამოავლენს. შეირჩევა 3 გამარჯვებული, რომლებსაც საინტერესო პრიზები გადაეცემათ, ესე-სტატია კი IOM-ის  ოფიციალურ ვებგვერდზე აიტვირთება (www.iom.ge).

    დამატებითი ინფორმაციისთვის მიმართეთ ორგანიზაციის Facebook -ის გვერდს:  Stop lrregular Migration ან დარეკეთ: 2 25 22 16 ან 2 91 34 61

   მიგრაციის საერთაშორისო ორგანიზაცია აწარმოებს კამპანიას, რომლის მიზანია საზოგადოების ცნობიერების ამაღლება ევროპაში,  უსაფრთხო მიგრაციის და თავშესაფრის პროცედურებთან დაკავშირებით.