29 სექტემბერს,  საერთაშორისო გაცვლითი პროგრამა Erasmus + ფარგლებში,  ტუშას (იტალია) უნივერსიტეტის საერთაშორისო ურთიერთობებისა და მობილობის დეპარტამენტის უფროსმა, კარლო კონტარდომ, თელავის სახელმწიფო უნივერსიტეტში საინფორმაციო შეხვედრა გამართა.  

    პროფესორმა სტუდენტებს და პროფესორ-მასწავლებლებს  ტუშას უნივერსიტეტის 2016-2017 სასწავლო წლის პროგრამები გააცნო. კარლო კონტარდომ დამსწრე საზოგადოებას  ინფორმაცია პროგრამაში მონაწილეობისათვის საჭირო დოკუმენტების, ვიზის პროცედურის, იტალიური და ინგლისური ენის კურსებისა და სხვა მნიშვნელოვანი საკითხების შესახებ მიაწოდა.