20 სექტემბერს, თბილისის პირველ სკოლა-გიმნაზიაში, იაკობ გოგებაშვილის სახელობის თელავის სახელმწიფო უნივერსიტეტის ქართული ფილოლოგიის დეპარტამენტის ორგანიზებით, შოთა რუსთაველის საიუბილეო სამეცნიერო კონფერენცია - ,,სკოლა და უნივერსიტეტი IV”- ჩატარდა.
ღონისძიებას, რომელზეც საჯარო სკოლების მოსწავლეებმა თესაუ-ს დოქტორანტების ხელმძღვანელობით მომზადებული თემები წარადგინეს, საქართველოს განათლებისა და მეცნიერების სამინისტროს და მეცნიერებათა ეროვნული აკადემიის წარმომადგენლები დაესწრნენ.
სამეცნიერო კონფერენცია მეცნიერებისა და ინოვაციების თბილისის ფესტივალის ფარგლებში გაიმართა.
კონფერენციის მონაწილეები შესაბამისი სერთიფიკატებით დაჯილდოვდნენ.
