15 ოქტომბერს იაკობ გოგებაშვილის სახელობის თელავის სახელმწიფო უნივერსიტეტის განათლების მეცნიერებათა ფაკულტეტს ფონდი ,,ახალი სიცოცხლის“ ,,დღის ცენტრის“ პედაგოგები სტუმრობდნენ.
სტუდენტებთან გამართული შეხვედრა ინკლუზიურ განათლებას და ამ მიმართულებით თანამშრომლობის საკითხებს შეეხებოდა.
ცენტრის წარმომადგენლების თქმით, ისინი განსხვავებული საჭიროებების მქონე შშმ პირებთან მრავალი წლის განმავლობაში მუშაობენ და ამ კუთხით ახალგაზრდებისთვის გამოცდილების გაზიარება შეუძლიათ.
ფონდი ,,ახალი სიცოცხლის“ ,,დღის ცენტრის“ პედაგოგებმა სტუდენტებს საჩუქრად შეზღუდული შესაძლებლობების მქონე პირებისთვის განკუთვნილი ყოველთვიური ჟურნალი ,,იმედი +“ გადასცეს.
აღნიშნული ცენტრი თესაუ-ს განათლების მეცნიერებათა ფაკულტეტთან და ბიბლიოთეკასთან, სადაც ინკლუზიური განათლების სპეციალური კუთხეცაა მოწყობილი, მრავალი წელია, თანამშრომლობს.