2016 წლის 20 ივნისს იაკობ გოგებაშვილის სახელობის თელავის სახელმწიფო უნივერსიტეტში საჯარო ლექცია თემაზე: ვაჟა-ფშაველას „ბახტრიონი“ ლიტერატორმა თამაზ ტყემალაძემ წაიკითხა.
საჯარო ლექციების ციკლი, რომელსაც პერიოდულად სხვადასხვა უნივერსიტეტები მასპინძლობენ, თელავის უნივერსიტეტში დასრულდა.
  თამაზ ტყემალაძემ XIX საუკუნის უდიდესი პოეტის ვაჟა-ფშაველას შესახებ ისაუბრა. ლიტერატორი მიიჩნევს, რომ ის გასაოცარია თავისი კრიტიკული აზროვნებითა და პოეტური ნიჭით; რომ ვაჟა არის იმაზე უფრო დიდი გენიოსი, ვიდრე თითოეულმა ქართველმა იცის.
ლექციას, უნივერსიტეტის პროფესორ-მასწავლებლებთან და სტუდენტებთან ერთად ენათმეცნიერი და პროფესორი რევაზ ძნელაძე და ეთნოლოგი და პუბლიცისტი ელდარ ნადირაძე ესწრებოდნენ.
  შეხვედრა კითხვა-პასუხის რეჟიმში წარიმართა.