11 მაისს იაკობ გოგებაშვილის სახელობის თელავის სახელმწიფო უნივერსიტეტში საქართველოს საზოგადოებრივ საქმეთა ინსტიტუტის (GIPA) ტრენინგი ჩატარდა.
თავისუფალი და აგრარული უნივერსიტეტების პროფესორმა, USAID- ის ექსპერტმა, ოთარ ქარჩავამ, მარცვლეული კულტურების წარმოების მინიმალური და ნულოვანი ტექნოლოგიების შესახებ ისაუბრა.
შეხვედრა ,,ევროპის სამეზობლო პროგრამა სოფლისა და სოფლის მეურნეობის განვითარებისთვის ( ENPARD) პროექტის- ,,კვლევითი პრაქტიკის გაძლირება აგრარული მიმართულებით, რეგიონულ საგანმანათლებლო ინსტიტუტებში“-ფარგლებში ჩატარდა, რომელსაც საქართველოს საზოგადოებრივ საქმეთა ინსტიტუტი (GIPA), კავკასიის გარემოსდაცვით არასამთავრობო ორგანიზაციათა ქსელთან (CENN) და კვლევით ცენტრთან პარტნიორობით (PMC), ახორციელებს.
ტრენინგს თესაუ-ს აგრარულ მეცნიერებათა ფაკულტეტის პროფესორ-მასწავლებლები და სტუდენტები დაესწრნენ.
შეგახსენებთ, რომ იაკობ გოგებაშვილის სახელობის თელავის სახელმწიფო უნივერსიტეტსა და საქართველოს საზოგადოებრივ საქმეთა ინსტიტუტს (GIPA) შორის ურთიერთთანამშრომლობის მემორანდუმი გაფორმდა. აღნიშნული მემორანდუმის ფარგლებში, თესაუ-ში უკვე მიმდინარეობს პროექტი ,,კვლევითი პრაქტიკის გაძლიერება, აგრარული მიმართულებით, რეგიონულ საგანმანათლებლო ინსტიტუტებში“.
