ხარკოვის სკოვოროდის სახელობის უნივერსიტეტში ჩატარდა სტუდენტური კონფერენცია თემაზე- ,,სასწავლო დაწესებულებები : ისტორია და თანამედროვეობა“. კონფერენციაში მონაწილეობა მიიღო თელავის სახელმწიფო უნივერსიტეტის ჰუმანიტარულ მეცნიერებათა ფაკულტეტის ისტორიის სპეციალობის მეორე კურსის სტუდენტმა, ზურაბ სპანდერაშვილმა ( ხელმძღვანელი- ჰუმანიტარულ მეცნიერებათა ფაკულტეტის მოწვეული დოქტორი ნათელა ღუდუშაური), რომელმაც თელავის სახელმწიფო უნივერსიტეტი ღირსეულად წარმოაჩინა.
თესაუ-ს სტუდენტის მიერ წარდგენილმა თემამ- ,,იაკობ გოგებაშვილის სახელობის თელავის სახელმწიფო უნივერსიტეტის ისტორია’’- ხარკოვის ნაციონალური პედაგოგიური უნივერსიტეტის პროფესორებსა და სტუდენტებს შორის დიდი დაინტერესება გამოიწვია.
ზურაბ სპანდერაშვილის სტატია სამეცნიერო კრებულში დაიბეჭდება, რომელიც სასწავლო დაწესებულებების ისტორიას მიეძღვნება.
