26 აპრილს შემოსავლების სამსახურის საგანმანათლებლო სემინარის გასვლითი ტური გაიმართა. ღონისძიებაში იაკობ გოგებაშვილის სახელობის თელავის სახელმწიფო უნივერსიტეტის სოციალურ მეცნიერებათა, ბიზნესისა და სამართლის ფაკულტეტის სტუდენტები ჩაერთნენ.
შემოსავლების სამსახურის თანამშრომლებმა სტუდენტებს საბაჟო გამშვებ პუნქტში- „ლაგოდეხი“ და თელავის სერვისცენტრში უმასპინძლეს. სტუდენტებს შესაძლებლობა მიეცათ, უშუალოდ გაცნობოდნენ საბაჟო გამშვებ პუნქტზე მგზავრების და ტვირთების გატარების პროცესს, ასევე, მიიღეს ინფორმაცია თელავის სერვისცენტრის მიერ დანერგილი მომსახურების შესახებ.
