თელავში, არჩევნებზე ხმის მიცემის ელექტრონული სისტემის გაცნობა, ცენტრალურმა საარჩევნო კომისიამ იაკობ გოგებაშვილის სახელობის თელავის სახელმწიფო უნივერსიტეტიდან დაიწყო.
შეხვედრა უნივერსიტეტის სტუდენტებთან და დაინტერესებულ პერსონალთან, თელავის საოლქო საარჩევნო კომისიის თავმჯდომარის მოადგილემ, გიორგი ფარადაშვილმა ჩაატარა.
შეხვედრის მონაწილეები, ხმის ელექტრონულად მიცემის პროცესს, ადგილზე დამონტაჟებული ვერიფიკაციის აპარატისა და ელექტრონული მთვლელის საშუალებით, პრაქტიკულად გაეცნენ.
" უნივერსიტეტის წარმომადგენლებს თეორიულად და პრაქტიკულად ავუხსენით ელექტრონულად ხმის მიცემის წესები , ვესაუბრეთ ახალი ტექნოლოგიების უპირატესობასა და პროცედურაზე. ეს არის თელავში პირველი შეხვედრა. შემდგომში,ჩვენ გავაგრძელებთ და სხვა ორგანიზაციებსაც ჩავრთავთ"- განაცხადა ფარადაშვილმა.
ელექტრონული წესით ხმის მიცემის შესახებ, პირველი საინფორმაციო შეხვედრა უნივერსიტეტში, ცენტრალური საარჩევნო კომისიის ინიციატივით შედგა.
