,,ზამთრის ქართველოლოგიური სკოლა-2016“-ის გამარჯვებულებს  შორის იაკობ გოგებაშვილის სახელობის თელავის სახელმწიფო უნივერსიტეტის ჰუმანიტარულ მეცნიერებათა ფაკულტეტის ისტორიის სპეციალობის სტუდენტები: გიორგი მწყერაძე და  მაკა  ბოტკოველი არიან.

     გიორგი მწყერაძის ნაშრომი-,,ფოხორაულების ნამოსახლარი“ (ისტორიულ-არქეოლოგიური მიმოხილვა)  100-დან 8 საუკეთესო ნაშრომს შორის მოხვდა და ფულადი პრემიით დაჯილდოვდა;  მაკა ბოტკოველის კვლევამ კი,- ,,ვანთის არქეოლოგიური გათხრების მიმოხილვა“ -კონკურსის პირველი ეტაპი წარმატებით გადალახა. ორივე ნაშრომის ხელმძღვანელია თესაუ-ს ისტორიის დეპარტამენტის  ასისტენტი, გიორგი ლალიაშვილი.

    წარმატებულმა სტუდენტებმა სკოლის შესახებ პრეზენტაცია 31 მარტს თელავის სახელმწიფო უნივერსიტეტის პროფესორ-მასწავლებლებს, რექტორის მოადგილეებს  და სტუდენტებს წარუდგინეს.

  ,,ზამთრის ქართველოლოგიური სკოლა-2016“ ივანე ჯავახიშვილის სახელობის თბილისის სახელმწიფო უნივერსიტეტში 19-29 თებერვალს ჩატარდა. პროექტი, სალექციო, სასემინარო და საპრეზენტაცი საათების გარდა, სხვადასხვა სახის გასართობ ღონისძიებებსაც ითვალისწინებდა.