საქართველოს მწერალთა სახლის და იაკობ გოგებაშვილის სახელობის თელავის სახელმწიფო უნივერსიტეტის ერთობლივი პროექტის - ,,საუბრები ლიტერატურაზე“- ფარგლებში, ილიას უნივერსიტეტის პროფესორმა, გიორგი მაისურაძემ, 25 მარტს თესაუ-ში მორიგი საჯარო ლექცია გამართა.
ამჯერად საუბარი XX საუკუნის ერთ-ერთი უმნიშვნელოვანესი გერმანულენოვანი მწერალის, ფრანც კაფკას, შემოქმედებას შეეხო , რომლის უნიკალური წერის სტილი დღემდე იპყრობს კრიტიკოსთა და მკითხველთა განსაკუთრებულ ყურადღებას.
პროექტს საქართველოს მწერალთა სახლი, იაკობ გოგებაშვილის სახელობის თელავის სახელმწიფო უნივერსიტეტთან ერთად, ურთიერთთანამშრომლობის მემორანდუმის ფარგლებში, ახორციელებს.
პროექტი, რომლის მიზანია ლიტერატურულ-საგანმანათლებლო პროცესების მხარდაჭერა, ცენტრისა და რეგიონის კულტურულ-საგანმანათლებლო ინსტიტუტების თანამშრომლობით, თბილისის გოეთეს ინსტიტუტის, ბრიტანეთის საბჭოსა და ფრანგული ინსტიტუტის ფინანსური მხარდაჭერით მიმდინარეობს.
