,,მეცნიერებისა და ინოვაციების ფესტივალი - 2019“-ის ფარგლებში, 26 სექტემბერს, იაკობ გოგებაშვილის სახელობის თელავის სახელმწიფო უნივერსიტეტში, საჯარო ლექცია-,,კახეთის რეგიონის რელიქტური ტყეები“-ჩატარდა.
ლექციაზე საუბარი ტყეების წარმოშობის ისტორიას, განვითარებას , ბუნებრივ პრობლემებს და მომავლის პერსპექტივებს შეეხო.
შეხვედრას თელავის საჯარო სკოლების მოსწავლეები და უნივერსიტეტის პროფესორ-მასწავლებლები დაესწრნენ.
ღონისძიების ორგანიზატორები არიან: თესაუს ზუსტ და საბუნებისმეტყველო მეცნიერებათა ფაკულტეტის დეკანი, მაგდა დავითაშვილი და ,,კავკასიის გარემოსდაცვითი არასამთავრობო ორგანიზაციათა ქსელის“ კახეთის რეგიონის კოორდინატორი, უნივერსიტეტის მოწვეული პედაგოგი, კახაბერ სუხიტაშვილი.
,,მეცნიერებისა და ინოვაციების ფესტივალი - 2019“-ის მიზანი სამეცნიერო კვლევების და ინოვაციების პოპულარიზაცია და საზოგადოებისთვის გაცნობაა.
