23 მაისს, იაკობ გოგებაშვილის სახელობის თელავის სახელმწიფო უნივერსიტეტს თსუ -ს  ეკონომიკის საერთაშორისო სკოლისა (ISET) და ISET-ის კვლევითი ინსტიტუტის წარმომადგენლები ესტუმრნენ. პროექტი „რეფორმეტრის“ კოორდინატორი გიგლა მიქაუტაძე  და ISET-ისადა ISET-ის კვლევითი ინსტიტუტის კომუნიკაციების მენეჯერი  გურანდა დარჩიძე  თესაუს სოციალურ მეცნიერებათა, ბიზნესისა და სამართლის ფაკულტეტის საბაკალავრო და სამაგისტრო პროგრამის სტუდენტებს შეხვდნენ.  

 გიგლა მიქაუტაძემ  USAID G4G-ის მხარდაჭერით  განხორციელებულ პროექტ  ,,რეფორმეტრზე“ ისაუბრა, რომლის ფარგლებშიც,  ეკონომიკური რეფორმების პროგრესის ანალიზი და რეფორმით დაინტერესებულ მხარეებს შორის დიალოგი მიმდინარეობს.

  როგორც შეხვედრაზე აღინიშნა, ამ ეტაპზე ,,რეფორმეტრი“  სოფლის მეურნეობის განვითარების, პროფესიული განათლების, მცირე და საშუალო ბიზნესის განვითარების, კაპიტალის ბაზრის განვითარებისა და დაგროვებითი საპენსიო სქემის  5 რეფორმას აფასებს.