იაკობ გოგებაშვილის სახელობის თელავის სახელმწიფო უნივერსიტეტში   საერთაშორისო კონფერენცია „ჯანმრთელობა და ეკოლოგია“ ჩატარდა. მეათე საიუბილეო კონფერენციაზე   მომხსენებლებმა  სამეცნიერო ნაშრომები  მედიცინისა და ეკოლოგიის სფეროში წარადგინეს. კონფერენციის მონაწილეებს შორის, ქართველ სპეციალისტებთან ერთად, სომხეთისა და თურქეთის რესპუბლიკის სხვადასხვა სპეციალობის პროფესორ-მასწავლებლებიც მონაწილეობდნენ.

   კონფერენციის ორგანიზატორებმა  თესაუ-ს ღვაწლმოსილ პედაგოგს, ასოცირებულ პროფესორს, მერაბ აღნიაშვილს მოღვაწეობის 55 წელი და საქართველოს პროფილაქტიკური მედიცინის მეცნიერებათა აკადემიის ვიცე პრეზიდენტს, პროფ. რევაზ კვერენჩხილაძეს დაბადებიდან 70 წლის იუბილე მიულოცეს და  სამაცხოვრო სიგელები გადასცეს.

   კონფერენცია - „ჯანმრთელობა და ეკოლოგია“ თელავის სახელმწიფო უნივერსიტეტში თბილისის სახელმწიფო სამედიცინო უნივერსიტეტის (თსსუ), იაკობ გოგებაშვილის სახელობის თელავის სახელმწიფო უნივერსიტეტის (თესაუ), სამედიცინო ეკოლოგიის ასოციაციის, საქართველოს პროფილაქტიკური მედიცინის მეცნიერებათა აკადემიის ორგანიზებით გაიმართა.

   ღონისძიება  ქართული პროფილაქტიკური მედიცინის წარმომადგენლების პროფ. ვ. კაციტაძის, პროფ. გ. კვაჭახაძის და პროფ. რ. ხაზარაძის ხსოვნას მიეძღვნა.