29-31 აგვისტოს, პროექტის, უმაღლესი განათლების დაწესებულებებში ხარისხის სწავლებისა და სწავლის აკადემიური ხელშეწყობა საქართველოში (INTEGRITY), ფარგლებში თელავის სახელმწიფო უნივერსიტეტის წარმომადგენლები უფსალას უნივერსიტეტში (შვედეთი) იმყოფებოდნენ.
შეხვედრაზე განსაკუთრებული აქცენტი სტუდენტებისა და აკადემიური პერსონალისათვის აკადემიური კეთილსინდისიერებისათვის არსებულ სერვისებზე, აკადემიური წერის სწავლებაზე და სტუდენტთა დახმარების ხელშეწყობაზე იქნა გაკეთებული. სტუდენტთა სერვისი თესაუ-ს სხვადასხვა სამსახურის ფუნქციებში იქნება განაწილებული და მიმდინარე წლის შემოდგომის სემესტრიდან აქტიურად ამოქმედდება. თელავის სახელმწიფო უნივერსიტეტის წარმომადგენლებმა, პროექტის პარტნიორებს პრეზენტაცია უკვე გატარებულ ღონისძიებებზე და სამომავლო აქტივობებზე წარუდგინეს.
პროექტი „INEGRITY“ევროკავშირის მიერ ერასმუს პლუსის ინსტიტუციური განვითარების 2017 წლის საგრანტო კონკურსის ფარგლებში დაფინანსდა და ილიას სახელმწიფო უნივერსიტეტის კოორდინატორობით ხორციელდება.
