იაკობ გოგებაშვილის სახელობის თელავის სახელმწიფო უნივერსიტეტის აგრარულ მეცნიერებათა ფაკულტეტის სასურსათო ტექნოლოგიის მე-2 კურსის სტუდენტი, გიორგი მაისურაძე,  კვების მეცნიერების და ტექნოლოგიების საერთაშორისო სტუდენტური სამეცნიერო ნაშრომების კონკურსის - „შავი ზღვის მეცნიერება- 2018“- გამარჯვებული გახდა.

     კონფერენციაში, რომელშიც 15 ქვეყნის წარმომადგენლები მონაწილეობდნენ,     თესაუს სტუდენტის ნაშრომმა -  „საფერავში დავარგებულ ყველში შემავალი ზოგიერთი ფენოლური ნაერთები“ (ხელმძღვანელი-სასურსათო ტექნოლოგიის დოქტორი  ლალი ელანიძე ) -  მე-3 ადგილი დაიკავა.  ამ  წარმატების  საფუძველზე, გიორგი მაისურაძემ მონაწილეობა სკაიპ-კონფერენციაში, თელავის სახელმწიფო უნივერსიტეტიდან,  მიიღო.    მისმა მოხსენებამ  ოდესის კვების ტექნოლოგიების ნაციონალური აკადემიის საკონფერენციო დარბაზში მყოფი ჟიურის წევრებისაგან დადებითი შეფასება მიიღო.

       გიორგი მაისურაძის   კვლევა  საუკეთესო სტუდენტური სამეცნიერო ნაშრომების ელექტრონულ კრებულში გამოქვეყნდა.