აჭარის ტურიზმისა და კურორტების დეპარტამენტმა 2 მაისს,  იაკობ გოგებაშვილის სახელობის თელავის სახელმწიფო უნივერსიტეტში, აჭარის ტურისტული პოტენციალის პრეზენტაცია გამართა.
      ღონისძიების ორგანიზატორებმა თელაველებს  სასიამოვნო გარემო, პრიზები და ბენდის- „ასეა სულ“ -კონცერტი შესთავაზეს.

      უნივერსიტეტის ტერიტორიაზე განთავსებულ  სარეკლამო ფოტობანერებზე,  აფიშებსა  და მონიტორებზე  თესაუს პროფესორები, სტუდენტები და სხვა დაინტერესებული  პირები  აჭარის ტურისტულ  პოტენციალს  გაეცნენ.

      პროექტის  ფარგლებში,  განხორციელდა სხვადასხვა აქტივობები:  ფოტოსურათების გამოფენა, ვიქტორინები,  სპორტული და  გასართობი  ღონისძიებები.

    გათამაშდა მთავარი პრიზიც, ინტელექტუალურ, თემატურ ვიქტორინაში გამარჯვებულისთვის-  3 დღიანი საგზური აჭარის ტურისტული სეზონის გახსნაზე.