14 აპრილს,  დედა ენის  კვირეულს ფარგლებში, თესაუს, თელავის მუნიციპალიტეტის მერიის  და ადგილობრივი  საგანმანათლებლო რესურსცენტრის ორგანიზებით,   ქართული ენის დღისადმი მიძღვნილი ღონისძიება გაიმართა .

      თელავის  სახელმწიფო უნივერსიტეტის კულტურის სამსახურთან არსებულმა ჯგუფმა - ,,სტუდენტურმა ერთობამ“ - მსვლელობა  ქართული ენის სიწმინდისა და ღირსების დასაცავად გამართა. სტუდენტებს თელავის მუნიციპალიტეტის საჯარო სკოლების მოსწავლეები და  სხვადასხვა ორგანიზაციების წარმომადგენელბიც შეუერთდნენ (პროექტის ავტორი:  თესაუს კულტურის სამსახურის  კოორდინატორი - მანანა შიოშვილი).

       თესაუ-ს სტუდენტებმა, მუნიციპალიტეტის სხვადასხვა შემოქმედებით გაერთიანებებთან ერთად,    მონაწილეობა ნიკო სულხანიშვილის სახელობის თელავის პროფესიულ სამუსიკო სასწავლებელში გამართულ საზეიმო კონცერტშიც  მიიღეს.  

    ღონისძიებას ადგილობრივი ხელისუფლების წარმომადგენლები, თელავის სახელმწიფო უნივერსიტეტის პროფესორები, სტუდენტები, საჯარო სკოლების პედაგოგები და მოსწავლეები დაესწრნენ.