,,საქართველოს კიკბოქსინგის ფედერაცია მადლობას გიხდით ასეთი წარჩინებული სტუდენტის აღზრდისთვის“,- იაკობ გოგებაშვილის სახელობის თელავის სახელმწიფო უნივერსიტეტის რექტორმა, ირმა შიოშვილმა, საქართველოს ტაიბოქსის  და  კიკბოქსინგის  ფედერაციისგან მადლობის წერილი მიიღო.    ფედერაციის წერილში საუბარია  თესაუ-ს  აგრარულ მეცნიერებათა ფაკულტეტის მე-2 კურსის  სტუდენტის, ნუგზარ ყარაგვეზაშვილის, წარმატებების შესახებ.

        საქართველოს ტაილანდური კრივისა და კიკბოქსინგის ეროვნული ფედერაციის სპორტსმენი,   ნუგზარ ყარაგვეზაშვილი,  სპორტის აღნიშნული სახეობების სერტიფიცირებული მწვრთნელი და  კიკბოქსინგის ახალგაზრდული მსოფლიო ჩემპიონატის პრიზიორია.

     თესაუ-ს სტუდენტი, სწავლის პარალელურად, ახალგაზრდების სპორტში ჩაბმისა და ორთაბრძოლებით დაინტერესებისთვის, აქტიურ  კამპანიას აწარმოებს და სხვადასხვა სახის ღონისძიებებს მართავს.