იაკობ გოგებაშვილის სახელობის თელავის სახელმწიფო უნივერსიტეტის სტუდენტები მხიარულთა და საზრიანთა გუნდებს შორის გამართულ საშემოდგომო ლიგის თამაშებზე ასპარეზობენ. 
თესაუ-ს გუნდი ,,კახელები“, წარმატებული გამოსვლის შედეგად, მერვედფინალში გავიდა.
გამარჯვებული გუნდი ჯილდოდ 5000 ლარს მიიღებს. კომპეტენტური ჟიურის მიერ გამოვლენილი საუკეთესო მოთამაშე კი ადგილს საქართველოს ნაკრებში დაიმკვიდრებს. ნაკრები მოსკოვში, ფინალურ ეტაპზე მონაწილეობის მისაღებად გაემგზავრება.
,,კა-ვე-ენ“-ის ლიგა საქართველოს უმაღლეს სასწავლებლებს შორის 2015 წლის 20 ოქტომბრიდან დაიწყო. თესაუ-ს სტუდენტებს წინ გადამწყვეტი თამაშები ელის.