იაკობ გოგებაშვილის სახელობის თელავის სახელმწიფო უნივერსიტეტს, საერთაშორისო პროექტის, UCM Italy-ის ორი წარმომადგენელი ეწვია. პროექტის გენერალური მდივანი, ანატოლიი პოლოსინი და სამეწარმეო პრაქტიკის კოორდინატორი საქართველოში, ვლადიმირ ლუნგუ, უნივერსიტეტის რექტორს, შალვა ჭკადუას, საერთაშორისო ურთიერთობების სამსახურის უფროსს, თამარ ასლანიშვილსა და სხვადასხვა ფაკულტეტის სტუდენტებს შეხვდნენ.
იტალიელმა სტუმრებმა, სტუდენტებს, პროექტის შინაარსი და სამომავლო გეგმები გააცნეს. პროექტის ფარგლებში, უნივერისტეტის სტუდენტები იტალიურ ენასა და კულინარიას შეისწავლიან. ამის გარდა, ისინი ანაზღაურებად სამეწარმეო პრაქტიკას იტალიაში გაივლიან. საერთაშორისო პროექტის წარმომადგენლებმა ჩაატარეს კულინარიული მასტერკლასები უნივერსიტეტის პარტნიორ კოლეჯში „პრესტიჟი".
