საქართველოს მოსახლეობის 2024 წლის საყოველთაო აღწერა უნდა ჩატარდეს 2024 წლის 14 ნოემბრიდან - 19 დეკემბრის პერიოდში.

2023 წელს დაგეგმილია პირველი ეტაპის საველე სამუშაოების განხორციელება, რომლის მიზანია საქართველოს 57 თვითმმართველ ერთეულში (მათ შორის კახეთის რეგიონის რვავე მუნიციპალიტეტში) შენობებისა და მათში ფაქტიურად მცხოვრები შინამეურნეობების სიებისა და ციფრული კარტოგრაფიის (სქემატური რუკების) შედგენა-განახლება, თანამედროვე ტექნოლოგიების გამოყენებით (კომპიუტერის დახმარებით, პერსონალური ინტერვიუს მეთოდით (CAPI)). აღნიშნული ღონისძიება მიზნად ისახავს თითოეულ შენობაში მოსახლეობის რიცხოვნობის დადგენას, რომლის გარეშეც შეუძლებელია განხორციელდეს ქვეყნის სააღწერო უბნებად დაყოფა.

კახეთის რეგიონში აღწერის მოსამზადებელი სამუშაოები დაგეგმილია 2023 წლის აპრილი-მაისის პერიოდში, შერჩეულ საველე პერსონალთან ტრენინგები გაიმართება 22 - 23 აპრილს,  ხოლო საველე სამუშაოები დაიწყება 25 აპრილს და გაგრძელდება15 დღის განმავლობაში.

სამუშაო ანაზღაურებადია.

დეტალურ ინფორმაციას მიიღებთ შეხვედრაზე, რომელიც გაიმართება 22 აპრილს თელავის სახელმწიფო უნივერსიტეტში.

I კორპუსი, II სართული, სხდომათა დარბაზი.