საქართველოს იუსტიციის სასწავლო ცენტრი და აკადემიკოს ლევან ალექსიძის სახელობის ფონდი, აღმოსავლეთ-დასავლეთ მართვის ინსტიტუტის  პროგრამის -„კანონის უზენაესობის მხარდაჭერა საქართველოში“ (PROLoG)- მხარდაჭერით, ახორციელებს იმიტირებულ სასამართლო პროცესს, რომელიც ოჯახში ძალადობისა და ქალთა მიმართ ძალადობის საკითხებს ეძღვნება.

    იმიტირებულ სასამართლო პროცესში მონაწილეობის მიღება შეუძლია საქართველოში აკრედიტებული ყველა სახელმწიფო და კერძო უმაღლესი საგანმანათლებლო დაწესებულების ნებისმიერი ფაკულტეტის სტუდენტს. ერთ უნივერსიტეტიდან დარეგისტრირება  შეუძლია ერთზე მეტ გუნდს. თითოეული გუნდი უნდა შედგებოდეს არანაკლებ 3 და არაუმეტეს 5 წევრისგან. გუნდის ყველა წევრი უნდა იყოს ერთი და იმავე უმაღლესი საგანმანათლებლო დაწესებულების წარმომადგენელი.

    იმიტირებული სასამართლო პროცესის შესახებ დამატებითი ინფორმაციისა და რეგისტრაციისთვის, სტუდენტები უნდა ეწვიონ  ბმულს - http://www.tcj.gov.ge/ka/news/546/