თელავის სახელმწიფო უნივერსიტეტის სტუდენტებთან საქართველოს ევროპული და ევროატლანტიკური ინტეგრაციის საკითხებზე საინფორმაციო შეხვედრა გაიმართება.
შეხვედრას წარუძღვება ნატოსა და ევროკავშირის შესახებ საინფორმაციო ცენტრის კახეთის რეგიონული ბიუროს წარმომადგენელი - ბექა ექსეულიძე, აგრეთვე საგარეო საქმეთა სამინისტროს მოწვეული ექსპერტი, ევროკავშირის დეპარტამენტის დირექტორი დავით ბუჯიაშვილი. შეხვედრაზე განხილული იქნება საქართველოს ევროინტეგრაციის საკითხები და სამომავლო პერსპექტივები.
