21 ოქტომბერს, თესაუ-ს ისრაელის, ქალაქ აფულას მერის ავრაჰამ ელკაბეტცის ხელმძღვანელობით, დელეგაცია ეწვია. სტუმრებს თელავის უნივერსიტეტის ადმინისტრაციის წარმომადგენლებმა უმასპინძლეს. შეხვედრაზე უნივერსიტეტის საერთაშორისო ურთიერთობების სამსახურის უფროსი, თამარ ასლანიშვილი, სტუმრებს თესაუ-ს წარმატებულ საერთაშორისო აქტივობებზე ესაუბრა და განსაკუთრებით გამოყო ის პროექტები, რომლებსაც თელავის უნივერსიტეტი ისრაელის საგანმანათლებლო დაწესებულებებთან ერთად ახორციელებს.
შეხვედრა დისკუსიის რეჟიმში გაგრძელდა, რის შედეგადაც თესაუ-სა და აფულას კოლეჯს შორის სამომავლო თანამშრომლობის გეგმები დაისახა. დასასრულს, მხარეებმა ერთმანეთს სამახსოვრო საჩუქრები გადასცეს.
