1 დეკემბერს, იაკობ გოგებაშვილის სახელობის თელავის სახელმწიფო უნივერსიტეტში, უნგრეთის სტიპენდიების შესახებ ონლაინ შეხვედრა გაიმართა.
შეხვედრას საქართველოში უნგრეთის ელჩის მოადგილე ანიკო ფარკაში უძღვებოდა, რომელიც განათლების საერთაშორისო ცენტრის პარტნიორი უნივერსიტეტების წარმომადგენლებს შეხვდა და სასტიპენდიო პროგრამასთან დაკავშირებულ საკითხებზე, სააპლიკაციო პროცესზე, უნგრეთის უნივერსიტეტების არჩევისა და აპლიკაციის წარდგენის ბოლო ვადების შესახებ ესაუბრა.
უნგრეთის სასტიპენდიო პროგრამებთან დაკავშირებით („Stipendium Hungaricum“ 2021-2022 ), საბუთების მიღება მიმდინარე თვეში დაიწყო და 15 იანვრამდე გაგრძელდება .
დეტალური ინფორმაციისთვის ეწვიეთ პროგრამის ვებგვერდს:
