(PRINTEL) ერასმუს + პროექტის- „ცვლილება საკლასო ოთახში: ინოვაციური სწავლებისა და სწავლის ხელშეწყობა აღმოსავლეთ პარტნიორობის ქვეყნებში , სტუდენტის სწავლის გამოცდილების გაღრმავების მიზნით“ -ფარგლებში, ინოვაციური სწავლების და სწავლის მეთოდებში, ტრენერთა გადამზადება დაიწყო. პირველი ტრენინგის კვირეული ქ. გრაცის (ავსტრია) FJ ჯოანემუს გამოყენებით უნივერსიტეტში, 5 -9 ნოემბერს, ჩატარდა, რომელიც შერეულ/ჰიბრიდულ სწავლა/სწავლებას ეხებოდა.
თელავის სახელმწიფო უნივერსიტეტიდან ტრენინგში განათლების მეცნიერებათა ფაკულტეტის ასოცირებული პროფესორი თამარ მიქელაძე მონაწილეობდა.
ტრენინგი თეორიული და პრაქტიკული ნაწილებისგან შედგებოდა. სასწავლო მოდულები ელექტრონულ სწავლებას და ისეთ საკითხებს ეხებოდა, როგორიცაა ელ-პორტფოლიო, ელ-მოდერაცია, მულტიმედიის გამოყენება, პროექტზე დაფუძნებული სწავლების ონლაინ პროგრამები და სხვა.
მოცემული პროექტის ფარგლებში, თესაუში, სწავლების ინვოვაციური მიდგომების მომავალი წლიდან დასანერგად, უნივერსიტეტის აკადემიური პერსონალის გადამზადება იგეგმება.
