საქართველოს კულტურისა და ძეგლთა დაცვის სამინისტროს პროექტის- ,,ცოცხალი წიგნები“-ფარგლებში, ქართველ მწერალთა ჯგუფი ქვეყნის რეგიონებში მოგზაურობს. 
ცნობილი ლიტერატორები შეხვედრებს სამი დღის განმავლობაში კახეთის რამდენიმე მუნიციპალიტეტში: თელავში, ახმეტაში, ყვარელსა და ლაგოდეხში გამართავენ.
ქეთევან დუმბაძე (ნოდარ დუმბაძის ქალიშვილი), მიხეილ ღალიშაშვილი, თემურ ჩხეტიანი, სოსო მეშველიანი და მაკა ჯოხაძე მკითხველს 8 ოქტომბერს თელავის მე-4 საჯარო სკოლაში, ქალაქის ცენტრალურ ბიბლიოთეკაში და იაკობ გოგებაშვილის სახელობის თელავის სახელმწიფო უნივერსიტეტში შეხვდებიან. თესაუ-ში ღონისძიება 16:00 საათზე დაიწყება.
ცნობილი მწერლები საკუთარი შემოქმედების შესახებ ისაუბრებენ.