2016 წლის 29 თებერვალიდან 6 მარტის ჩათვლით ბათუმის შოთა რუსთაველის სახელმწიფო უნივერსიტეტში გაიმართება ზამთრის სკოლა. პროექტის პროგრამა მოიცავს ლექციებსა და დისკუსიებს, რომლებსაც ქართველი და უცხოელი პედაგოგები წარუძღვებიან. პროექტის სამეცნიერო ხელმძღვანელია თსუ-ს პროფესორი, დოქტორი იაგო კაჭკაჭიშვილი.
–> ზამთრის სკოლა, რომელიც ივ. ჯავახიშვილის სახელობის თბილისის სახელმწიფო უნივერსიტეტის მიერ შოთა რუსთაველის ეროვნული სამეცნიერო ფონდის მხარდაჭერით ხორციელდება, მიზნად ისახავს პროფესორ-მასწავლებლების, დოქტორების, მაგისტრანტებისა და არასამთავრობო ორგანიზაციების („Think Tank”, კვლევითი ან სხვა ტიპის ორგანიზაციების) წარმომადგენლების კვალიფიკაციის ამაღლებას სოციალურ მონაცემთა ანალიზში, კერძოდ, მათთვის მონაცემთა ანალიზის მოწინავე მეთოდების სწავლებას და პრაქტიკული უნარ-ჩვევების გამომუშავებას.
ზამთრის სკოლის მონაწილეთა შერჩევა მოხდება კონკურსის საფუძველზე. აპლიკაციები მიიღება 2016 წლის 29 იანვრიდან 16 თებერვლის ჩათვლით.
დეტალური ინფორმაცია იხილეთ ბმულზე:https://tsu.ge/ge/government/administration/departments/pr/news/muV5s0osCkD9APSw/