25 აპრილს იაკობ გოგებაშვილის სახელობის თელავის სახელმწიფო უნივერსიტეტში გაიმართა შეხვედრა ფერეიდნელ ქართველ მეცნიერთან, პროფესიით ისტორიკოსთან, საიდ მულიანთან.
ღონისძიების მიზანი იყო, ფერეიდნელი ქართველების ცხოვრების, ადათ-წესების და იმ ტრადიციების გაცნობა, რაც მათ დღემდე შენარჩუნებული აქვთ.
საიდ მულიანის და მისი ძმის სახელთანაა დაკავშირებული ირანში ქართული სკოლის დაარსება და ირანულ ენაზე ადაპტირებული დედაენის შექმნა, რაც ფერეიდნელ ქართველებს საშუალებას აძლევს, შეისწავლონ მშობლიური ენა და წერა-კითხვა.
სტუმარს, თელავის სახელმწიფო უნივერსიტეტის სახელით, ცნობილმა ქართველმა მკვლევარმა, ვალერიან ელანიძემ, საჩუქრად საკუთარი მონოგრაფია- ,,ქალაქი თელავი და ერეკლე II“-გადასცა.
შეხვედრას ორგანიზატორი იყო თვითმმართველი თემი თელავის მუნიციპლიტეტის გამგეობის კულტურის, განათლების, ძეგლთა დაცვის, სპორტის და ახალგაზრდულ საქმეთა სამსახური.